الرأي حر والحقيقة مجردة

عصام الصادق العوض يكتب …تباشير الخريف

فجاج برس

جراب الحاوي

تباشير الخريف

عصام الصادق العوض

عندما تضيق الدنيا وتستحكم حلقاتها على اعناق العباد والخنقه تحصل فذلك يعني الفرج قادم لا محاله بأسرع مما يتخيل الجميع هذا ليس دفاعا عن قحت ولاحمدوك ولكن دفاعا عن الحقيقة الماثله امام اعيننا ولا يريد الكثيرين رؤيتها بل يعمل البعض على تشويهها والنيل منها انها الثورة الى حياة افضل لاغير ولن يرضى احد بغير ذلك لم تأتي الثوره للتشفي من احد ولكنها اتت لارجاع الحقوق لاصحابها وسودنة اخلاقنا التي تاهت بين احلام المغامرين ببيضة الوطن الحبيب
الوطن الذي سيعود في ابهى مايكون فلن يصح الا الصحيح
طبعا تباشير الخريف بتتجلي في طير البقر
(ام بيوض بيوض ) والسمبر ديل دائما بكونو قدم الخير والفال الحسن خصوصا السمبريه طول وقوام وسمره وجاهه ورقبه طويله وعيون بي رموش تزكرني بي عارضة الازياء نعومي كامبل في زمانه رشاقه وسماحه وطول الفرق بس نعومي مابتطير ذي السمبريه لكن عشان تعرف
المفارقات عندنا في الحله واحده نفس مواصفات نعومي والسمبريه نفس الملامح والشبه والمشيه زاتا وقدلتا لكن الله يقدرك جيب
سيرة السمبريه قدامه عشان طيارتك ثقوم

وتمعط ريشك كان عندك ريش
وكان ماعندك ريش هي براها بتعمل ليك ريش وبتمعطو تعدمك الريشه يعني ذي ناس كتااااااار في الثورة بتاعتنا اربو ليهم في الريش و معيط شديد ناس دسيس مان د. محمد ناجي الاصم استاذ احمد ربيع أستاذ الرياضيات والفيزيا الوقع الوثيقه مع العساكر وزنزنه وناس
كتاااار لكن طبعا البحيرك في واحد من شعارات الثورة ( *سيصرخون* ) بعد ما جانا جبريل من خلفية بتاعت الجماعة الطيبين وزيرا للمالية الواحد بقه ماعارف سيصرخون دي يا ربي المقصود بيها منو الجماعه الطيبين ولا الشعب السوداني ولا الاتنين مع بعض ؟
الحاجة الثانيه البتحيرك في الثورة دي حمدكه الوااااااحد ده ينطط يمين وشمال ذي ابو الجندب وعارف محل النور وين ومتين بنطفي ومتين بولع بس اصبرو ليهو شويه كل نطه بنطها بره ويرجع لينا بالسمينه
حنك العم سام رفع الحظر ومؤتمر باريس لو قعد شويه في فرنسا كان عقد علي الموناليزا وبقينه نسابه لا ديون ولا يحزنون دي كان بتبقه اتحاد اوروبي راسو عدييييييل
و ماشي في طريق عملية السلام وقنطر الحلو دي كلها تباشير الخريف
عشان خضرة مشاعرنا نشيله صيف .